မဲဆောက်ရောက် မြန်မာပြည်သူများအတွက် အလုပ်အကိုင်အခွင့်အလမ်းရရှိရန် ရည်ရွယ်၍ 𝗡𝗲𝘄 𝗠𝘆𝗮𝗻𝗺𝗮𝗿 𝗙𝗼𝘂𝗻𝗱𝗮𝘁𝗶𝗼𝗻 မှ “အခမဲ့ အခြေခံမော်တာ စက်ချုပ်သင်တန်း” များကို စီစဉ်ဖွင့်လှစ်ပေးလျက်ရှိပါသည်။

𝗝𝗮𝗽𝗮𝗻’𝘀 𝗢𝗳𝗳𝗶𝗰𝗶𝗮𝗹 𝗗𝗲𝘃𝗲𝗹𝗼𝗽𝗺𝗲𝗻𝘁 𝗔𝘀𝘀𝗶𝘀𝘁𝗮𝗻𝗰𝗲-𝗢𝗗𝗔 ၏ ပံ့ပိုးကူညီမှုဖြင့် ၂၀၂၄ ခုနှစ်၊ ဒီဇင်ဘာလ ( ၄ ) ရက်နေ့မှ စတင်၍ သင်တန်းအပတ်စဥ် (၄၈) ကို ဖွင့်လှစ်ပေးသွားမည် ဖြစ်ပါသည်။ သင်တန်းကာလကို ဒီဇင်ဘာလ (၄) ရက်နေ့ မှ (၁၁) ရက်နေ့အထိ သတ်မှတ်ထားပါသည်။ ဤသင်တန်းအပတ်စဉ်တွင် သင်တန်းသား/သူ (၁၃) ဦး ကို လက်ခံပေးသွားမည်ဖြစ်ပါသည်။ ယခုသင်တန်းသို့ လျောက်ထားလာသူများအား လူမျိုးရေး ၊ ဘာသာရေးခွဲခြားမှုမရှိဘဲ၊ လူနည်းစုအခွင့်အရေးနှင့် ကျား/မ တန်းတူညီမျှမှု မူဝါဒများနှင့် အညီ ရွေးချယ်သွားမည်ဖြစ်ပါသည်။

ယခု အခြေခံမော်တာစက်ချုပ်သင်တန်း တက်ရောက်ခွင့် လျှောက်ထားနိုင်သော Google Form အား ၂၀၂၄ ခုနှစ်၊ နိုဝင်ဘာလ (၁၅) ရက်နေ့ မှ (၃၀) ရက်နေ့အထိ ဖွင့်လှစ်ပေးထားမည်ဖြစ်ပြီး လျှောက်ထားသူဦးရေ (၃၀) သာ အများဆုံး လက်ခံပေးသွားမည်ဖြစ်ပါသည်။ နိုဝင်ဘာလ (၃၀) နေ့ ညနေ (၅) နာရီထက် ကျော်လွန်၍ လျှောက်ထားလာသော လျှောက်လွှာများကို ထည့်သွင်းစဉ်းစားခြင်းပြုမည်မဟုတ်ပါကြောင်း လေးစားစွာ အသိပေးအပ်ပါသည်။

မဲဆောက်ရောက် မြန်မာပြည်သူညီအစ်ကို မောင်နှမများအနေဖြင့် လျှောက်လွှာခေါ်ယူသည့် Google Form တွင် ပါရှိသော စည်းကမ်းချက်များကို လိုက်နာနိုင်ပါက အောက်ဖော်ပြပါ သင်တန်းလျှောက်ထားရန် လင့်ခ်တွင် အချက်လက်များ ဖြည့်သွင်း၍ ‌လျှောက်ထားနိုင်ပါသည်။ လျှောက်ထားသူများအနေဖြင့် မိမိလျှောက်ထားသည့် သင်တန်းအပတ်စဉ်တစ်ခုတွင် တက်ရောက်ခွင့် မရရှိခဲ့ပါက ထပ်မံဖွင့်လှစ်သွားမည့် သင်တန်းအပတ်စဉ် အသစ်များတွင် လျှောက်ထားနိုင်ပါသည်။‌

မှတ်ချက်* ယခု သင်တန်းသို့တက်ရောက်မည့်သူများအတွက် သင်တန်းကာလအတွင်း နယူးမြန်မာဖောင်ဒေးရှင်းမှ နေရာထိုင်ခင်း စီစဉ်ပေး၍ စားသောက်စရိတ်များ ထောက်ပံ့ပေးသွားမည်ဖြစ်သည်။ သင်တန်းပြီးဆုံးပါက မဲဆောက်ရှိ စက်ချုပ်အလုပ်ရုံများတွင် အလုပ်အကိုင်ရရှိရေး ချိတ်ဆက်ရှာဖွေပေးသွားမည် ဖြစ်သည်။ သို့ဖြစ်ပါ၍ သင်တန်းပြီးဆုံးပါက စက်ချုပ် အလုပ်ရုံများတွင် ဝင်ရောက်လုပ်ကိုင်လိုသူများ (သို့) စက်ချုပ်ပညာရပ်ဖြင့် အသက်မွေးဝမ်းကျောင်းမည့်သူများသာ လျှောက်ထားပေး ပါရန် အထူး မေတ္တာရပ်ခံအပ်ပါသည်။

သတ်မှတ်ချက်များနှင့် ကိုက်ညီသူများကိုသာ လူ့တွေ့အင်တာဗျူး တက်ရောက်ပေးရန် ဆက်သွယ်သွားမည်ဖြစ်ပါသောကြောင့် သင်တန်း လျှောက်ထားလာသူများအနေဖြင့် မိမိတို့ထံ ဆက်သွယ်ရမည့်ဖုန်းနံပါတ်များကို မှန်ကန်စွာ ထည့်သွင်းပေးကြရန်လည်း မေတ္တာရပ်ခံအပ်ပါသည်။

အခမဲ့အခြေခံမော်တာစက်ချုပ်သင်တန်း လျှောက်ထားရန် 𝗟𝗶𝗻𝗸: 𝗵𝘁𝘁𝗽𝘀://𝗳𝗼𝗿𝗺𝘀.𝗴𝗹𝗲/𝗾𝗿𝗳𝗡𝗾𝗽𝗾𝗧𝟳𝘁𝘅𝗵𝗴𝟰𝗺𝗨𝗔

𝗡𝗲𝘄 𝗠𝘆𝗮𝗻𝗺𝗮𝗿 𝗙𝗼𝘂𝗻𝗱𝗮𝘁𝗶𝗼𝗻 ၏ စက်ချုပ်သင်တန်းနှင့်ပတ်သတ်၍ ထပ်မံသိရှိလိုသည်များရှိပါက အောက်ဖော်ပြပါဖုန်းနံပါတ်၊ 𝗦𝗶𝗴𝗻𝗮𝗹, 𝗧𝗲𝗹𝗲𝗴𝗿𝗮𝗺 နှင့် 𝗘𝗺𝗮𝗶𝗹 များမှတဆင့် ရုံးချိန် (နံနက် ၉ နာရီ မှ ညနေ ၅း၀၀) အတွင်း ဆက်သွယ်စုံစမ်းမေးမြန်းနိုင်ပါသည်။

လေးစားစွာဖြင့်

စက်ချုပ်သင်တန်းတာဝန်ခံ

ဦးဒီဇင်မောင်

𝐏𝐡𝐨𝐧𝐞: +𝟔𝟔𝟔𝟑𝟑𝟖𝟒𝟗𝟗𝟏𝟎

𝐒𝐢𝐠𝐧𝐚𝐥: +𝟔𝟔 𝟖𝟏𝟓𝟑𝟎𝟕𝟗𝟗𝟒

𝐄𝐦𝐚𝐢𝐥 𝐧𝐦𝐟.𝐬𝐭𝐚𝐟𝐟𝟎𝟒@𝐠𝐦𝐚𝐢𝐥.𝐜𝐨𝐦