Blossom Future သည် ၂၀၂၁ ခုနှစ်မှ ယနေ့အထိ Safe House အစီအစဥ်အား ဆောင်ရွက်လျက်ရှိရာ Safe House များတွင် တခြားသူများနှင့် အတူနေထိုင်ရန် အခက်အခဲရှိသူများအတွက် သီးခြား နေရာထိုင်ခင်း၊ အိမ်ခန်း (Individual Housing)များကို ထောက်ပံ့ပေးလျက်ရှိပါသည်။ ၎င်းအစီအစဉ် အတွက် ဝန်ထမ်း (Program Assistant) လျှောက်လွှာများ ခေါ်ယူနေပါသည်။

ရာထူး : Program Assistant

လျှောက်လွှာလက်ခံမည့်ကာလ : ၄.၆.၂၀၂၆ မှ ၁၃.၆.၂၀၂၆ အထိ

နေရာ : မဲဆောက်

အစမ်းခန့်ကာလ : (၁) လ

ပုံမှန်လစာ : ၁၀,၀၀၀ ဘတ်

ခန့်အပ်မည့်ကာလ : ၃ လ

အစီရင်ခံရမည့်သူ : Program Manager

ခန့်အပ်မည့်ဦးရေ : (၁) ဦး

လုပ်ဆောင်ရမည့်တာဝန်များ

—————————

မဲဆောက်မြို့အတွင်းရှိ ကျန်းမာရေး/ အသက်အရွယ်/ ရုပ်ပိုင်း၊စိတ်ပိုင်းဆိုင်ရာ ချို့ယွင်းအားနည်းချက်များအရ/ မိမိဘာသာ နေထိုင်ရပ်တည်ရန် အတွက်လည်းကောင်း၊ အများနှင့်အတူနေထိုင်ရန်အတွက်လည်းကောင်း အခက်အခဲရှိသူများကို ရှာဖွေစာရင်း ပြုစုနိုင်ရမည်။

သီးခြားနေရာထိုင်ခင်း (Individual Housing) များတွင်

—————————————————-

● နေထိုင်ရန် လျှောက်ထားလာသူများ၏ မေးမြန်းလာသည်များအား ပြန်လည်ဖြေဆို ဆောင်ရွက်၍ စီစစ်အတည်ပြုပေးရမည်။

● နေထိုင်သူများအား စာရင်းရေးသွင်းခြင်း၊ စည်းကမ်းချက်များ နှင့် အခွင့်အရေးဆိုင်ရာ အကြောင်း များ ရှင်းလင်းပြောကြားခြင်း (Registration and Orientation) ပြုလုပ်ပေးရမည်။

● နေထိုင်သူများ၏ လိုအပ်ချက်များအား ကောက်ယူခြင်း နှင့် ဖြည့်ဆည်းပေးခြင်း (Need Assessment နှင့် Care Plan) တို့အား ဆောင်ရွက်ပေးရမည်။

● နေထိုင်သူများနှင့် ပတ်သက်သော စာရင်းများအား Program officer ထံသို့ အချိန်မီ တင်ပြ ရပါမည်။

● နေထိုင်သူများနှင့် လစဉ်အစည်းအဝေးများကို ပြင်ဆင်/ ကျင်းပ၍ အစည်းအဝေးမှတ်တမ်းများ ရေးသားရမည်။

● နေထိုင်သူများ၏ လူမှုရေး၊ ကျန်းမာရေး ကိစ္စရပ်များကို Program Manager နှင့်ညှိနှိုင်း၍ လိုအပ်သလို ကူညီဆောင်ရွက်ပေးရမည်။

● ပေါ်ပေါက်သော အရေးပေါ်ကိစ္စရပ်များအတွက် ကောင်းမွန်မျှတစွာ စီမံကိုင်တွယ်ပေးရမည် ဖြစ်ပြီး အချိန်နှင့် တပြေးညီ တာ၀န်ခံထံသို့ တင်ပြရပါမည်။

● နေထိုင်သူများအတွက် အကျိုးရှိစေနိုင်မည့်သင်တန်းများ၊ ဟောပြောပွဲများကိုလည်း စိစစ် ရွေးချယ် ကျင်းပပေးရမည်။

● လစဥ်သွားရောက် ကြည့်ရှူ၍ လိုအပ်သည်များကို ဖြည့်ဆည်းပေးရမည်။

● လစဉ်လုပ်ငန်းတိုးတက်မှု အစီရင်ခံစာအား ရေးသားပြုစု၍ Program Manager ထံတင်ပြ ရမည်။

အတွေ့အကြုံလိုအပ်ချက်

————————-

● Management ပိုင်းဆိုင်ရာ၊ ရုံးပိုင်းဆိုင်ရာ အတွေ့အကြုံရှိရမည်။

● အခြေခံ ကွန်ပျူတာ ကျွမ်းကျင်မှုရှိရမည်။

● လစဉ် အစီရင်ခံစာများ ရေးသားနိုင်သူဖြစ်ရမည်။

● လုပ်ငန်းအပေါ်တွင် စိတ်ပါဝင်စားပြီး နေထိုင်သူများအပေါ် စိတ်စေတနာထားကာ ဖြည့်ဆည်း ပေးနိုင်သူ ဖြစ်ရမည်။

● စည်းစနစ်ကျ၍ လူအများနှင့် ပြောဆိုဆက်ဆံရာတွင် ပြေပြစ်စွာ ပြောဆိုတတ်သူဖြစ်ရမည်။

● အခြားအဖွဲ့ဝင်များနှင့် ပူးပေါင်းဆောင်ရွက်လိုစိတ်ရှိသူဖြစ်ရမည်။

● အကျင့်စာရိတ္တ ကောင်းမွန်သူဖြစ်ရမည်။

● အကြမ်းဖက်မှု (Violence) ၊ အမျိုးသမီးများအား လိင်ပိုင်းဆိုင်ရာ နှောင့်ယှက်မှု (Sexual Harassment) ၊ ကလေး သူငယ်များအား အမြတ်ထုတ်မှု/စော်ကားမှု (Child Abuse) တို့အား ကျူးလွန်ဖူးသူမဖြစ်ရပါ။

● လုပ်ငန်းကိစ္စရပ်များ နှင့် နေထိုင်သူများ၏ ပုဂ္ဂလိက ဆိုင်ရာကိစ္စရပ်များအား (Privacy and Confidentiality) ပြင်ပသို့ မပေါက်ကြားစေရန် တာဝန်ယူရမည်။

● ကား၊ဆိုင်ကယ် မောင်းနှင်နိုင်သူ ဦးစားပေးပါမည်။

● English စာ တတ်ကျွမ်းသူ ဦးစားပေးပါမည်။

လျှောက်လွှာတင်ရန်

——————–

လျှောက်ထားလိုသူများသည် contact@blossomfuture.org သို့ အောက်ပါအချက်အလက်များ ပြည့်စုံစွာ ပူးတွဲပေးပို့ လျှောက်ထားနိုင်သည်။

● ကိုယ်ရေးအချက်အလက်၊ ပညာအရည်အချင်း၊ အလုပ်အတွေ့အကြုံများ၊ အစိုးရ မဟုတ်သော အဖွဲ့အစည်းများနှင့် လက်တွဲလုပ်ကိုင်ခဲ့ဖူးသည့် အတွေ့အကြုံများ ရှိခဲ့လျှင် နှစ်အလိုက် ပြည့်စုံစွာ ထည့်သွင်း ရေးသားထားသည့် CV Form ( မြန်မာဘာသာဖြင့်)

● ပညာအရည်အချင်းလက်မှတ်များ

● ယခင်လုပ်ကိုင်ခဲ့သော အဖွဲ့အစည်းတစ်ခုခုမှ ထောက်ခံပေးမည့် တာဝန်ရှိသူ ၂ ဦး၏ အမည်၊ ဆက်သွယ်ရမည့် ဖုန်းနံပါတ်၊ email၊ signal နံပါတ်များကို CV form တွင် တပါတည်း ဖော်ပြရန်။

အသေးစိတ်မေးမြန်းလိုပါက :

𝗔𝗱𝗺𝗶𝗻 𝗗𝗲𝗽𝘁

𝗣𝗵𝗼𝗻𝗲 𝗡𝘂𝗺𝗯𝗲𝗿 – +𝟲𝟲 𝟲𝟮 𝟲𝟴𝟳 𝟰𝟮𝟲𝟲

𝗦𝗶𝗴𝗻𝗮𝗹 𝗡𝘂𝗺𝗯𝗲𝗿 – +𝟲𝟲 𝟲𝟮 𝟲𝟴𝟳 𝟰𝟮𝟲𝟲

𝗘𝗺𝗮𝗶𝗹 – contact@blossomfuture.org