Blossom Future (ပွင့်သစ်ဝေ) ၏ အခြေခံစားနပ်ရိက္ခာ ထောက်ပံ့ရေးအစီအစဉ်ကို ၂၀၂၂ ခုနှစ် ၊ ဖေဖော်ဝါရီလမှ စတင်ကာ ၂၀၂၆ ခုနှစ် ၊ ဖေဖော်ဝါရီလအထိ (၄) နှစ်တာ ကာလအတွင်း အဆက်မပြတ် ဆောင်ရွက်ပေးနိုင်ခဲ့ပါသည်။

သို့သော် ၂၀၂၆ ခုနှစ် ၊ မတ်လ တွင် အလှူရှင်ဘတ်ဂျတ်ဆိုင်ရာ အခက်အခဲများကြောင့်

• လူဟောင်း ဆရာ/ဆရာမများအတွက် ၂၀၂၆ ခုနှစ် ၊ ဇန်နဝါရီ(၁)လစာ

• လူသစ် ဆရာ/ဆရာမများအတွက် ၂၀၂၆ ခုနှစ် ၊ ဖေဖော်ဝါရီ(၁) လစာ အထိသာ ထောက်ပံ့ပေးနိုင်ခဲ့ပြီး ယာယီရပ်နားထားခဲ့ရပါသည်။

ယခုအခါ ၂၀၂၆ ခုနှစ် ၊ ဧပြီလမှ စ၍ အလှူရှင်ဘတ်ဂျတ် ပြန်လည်ရရှိလာသဖြင့် အခြေခံစားနပ်ရိက္ခာအစီအစဉ်ကို ပြန်လည်စတင် ဆောင် ရွက်လျက်ရှိပါသည်။

ရိက္ခာမျှဝေခြင်းအစီအစဉ်သည် အလှူရှင်များ၏ ပံ့ပိုးကူညီမှုနှင့် ဆက်သွယ်လာမှုအပေါ် မူတည်၍ ဆောင်ရွက်ရခြင်းဖြစ်သောကြောင့် ရိက္ခာမျှဝေမည့် ကာလအား ကြိုတင်အတိအကျ သတ်မှတ်၍ မရနိုင်ပါ။

အလှူရှင်ဘက်မှ ဆက်သွယ်လာသည်နှင့်အမျှ ယခင်အစီအစဉ်အတိုင်း —

၁။ ရိက္ခာမျှဝေမည့်နေ့မတိုင်မီ (၃) ရက်အလိုတွင် Blossom Future (ပွင့်သစ်ဝေ) Facebook Page မှတစ်ဆင့် တရားဝင် ကြေညာပေးမည်ဖြစ်ပါသည်။

၂။ ရိက္ခာလက်ခံရရှိမည့် စာရင်းတွင် ပါဝင်သူများအား တစ်ဦးချင်းစီ၏ Signal မှတစ်ဆင့်

• ရိက္ခာထုတ်ယူရမည့် ရက်စွဲ

• နေရာ

• အချိန်

• လိုအပ်သော အချက်အလက်များကို အသေးစိတ်ပေးပို့အသိပေးသွားမည်ဖြစ်ပါသည်။

ထို့ကြောင့် ရိက္ခာဖြန့်ဝေမှုနှင့်ပတ်သက်၍ တရားဝင်ကြေညာချက်များကိုသာ စောင့်ကြည့်ပေးကြပါရန်နှင့် Blossom Future Facebook Page နှင့် Signal အသိပေးချက်များကို ဦးစားပေး ဖတ်ရှု့စစ်ဆေးပေးပါရန် လေးစားစွာ မေတ္တာရပ်ခံအပ်ပါသည်။

Blossom Future (ပွင့်သစ်ဝေ) အနေဖြင့် ရရှိနိုင်သည့် အရင်းအမြစ်များအပေါ်မူတည်၍ ဆက်လက်ကူညီပံ့ပိုးနိုင်ရန် အကောင်းဆုံး ကြိုးပမ်းဆောင်ရွက်သွားမည်ဖြစ်ပါသည်။