𝗕𝗹𝗼𝘀𝘀𝗼𝗺 𝗙𝘂𝘁𝘂𝗿𝗲 (ပွင့်သစ်ဝေ) ၏ 𝗜𝗻𝗱𝗶𝘃𝗶𝗱𝘂𝗮𝗹 𝗛𝗼𝘂𝘀𝗶𝗻𝗴 (သီးခြားနေရာထိုင်ခင်းထောက်ပံ့ခြင်း) အစီအစဉ်သည် ၂၀၂၂ ခုနှစ် မတ်လမှစတင်၍ ဒီမိုကရေစီအရေး ကြိုးပမ်းမှုများနှင့် အန္တရာယ် အခြေအနေအမျိုးမျိုးကြောင့် ထိုင်းနိုင်ငံ မဲဆောက်သို့ ထွက်ပြေးရောက်ရှိလာသော ကိုယ်လက် အင်္ဂါမသန်စွမ်းသူများ၊ နာတာရှည် နာမကျန်းဖြစ်နေသူများ၊ ထိခိုက်ဒဏ်ရာရရှိနေပြီး နေရေးထိုင်ရေး ခက်ခဲနေကြသည့် မြန်မာပြည်သူ/ သားများ၊ မိသားစုများအတွက် အိမ်လခ/ ရေဖိုး/ မီးဖိုး ထောက်ပံ့ပေးသည့် အစီအစဉ်တစ်ခု ဖြစ်ပါသည်။

𝗜𝗻𝗱𝗶𝘃𝗶𝗱𝘂𝗮𝗹 𝗛𝗼𝘂𝘀𝗶𝗻𝗴 အစီအစဉ်မှ ကူညီပံ့ပိုးပေးမည့် ဝန်ဆောင်မှုများမှာ

အစီအစဉ်စတင်သည့်နေ့ရက်မှစ၍ လျှောက်ထားလာသော မိသားစုတစ်စုခြင်းစီ၏ အခက်အခဲ ပေါ်မူတည်၍ မိမိတို့ လက်ရှိငှားရမ်းနေထိုင်နေသည့်အိမ်တွင် အနည်းဆုံး (၃) လမှ အများဆုံး (၆) လထိ အိမ်လခ အပါအဝင် ရေမီတာ၊ လျှပ်စစ်မီတာ နှင့် အင်တာနက်ဝိုင်ဖိုင် ဖိုးများကို သတ်မှတ်ထားသည့် ပမာဏတခုဖြင့် လစဉ်ထောက်ပံ့ကူညီပေးသွားပါမည် ဖြစ်ပါသည်။

ရွေးချယ်ခံရသော မိသားစုဝင်များအတွက် 𝗜𝗻𝗱𝗶𝘃𝗶𝗱𝘂𝗮𝗹 𝗛𝗼𝘂𝘀𝗶𝗻𝗴 အစီအစဉ်ကာလအတွင်း အခြေခံကျန်းမာရေး စောင့်ရှောက်မှုများအတွက် 𝗦𝗮𝗳𝗲𝗵𝗼𝘂𝘀𝗲 ဆရာဝန်ကိုယ်တိုင်လာရောက်ကြည့်ရှု ပေးခြင်း၊ 𝗠𝗲𝗻𝘁𝗮𝗹 𝗛𝗲𝗮𝗹𝘁𝗵 ဆရာဝန်နှင့် ဆွေးနွေးတိုင်ပင်နိုင်ခြင်းအပြင် ဆေးရုံဆေးခန်းများသို့ သွားလာရေးအတွက် ချိတ်ဆက်ဆောင်ရွက်ပေးခြင်းစသည့် ဝန်ဆောင်မှုများအား တက်အားသ၍ ကူညီပေးမည် ဖြစ်ပါသည်။

အထောက်အပံ့ပေးရန်ရွေးချယ်ခံရသော သူများနှင့်မိသားစုဝင်များသည် 𝗕𝗹𝗼𝘀𝘀𝗼𝗺 𝗙𝘂𝘁𝘂𝗿𝗲 (ပွင့်သစ်ဝေ) မှ ဆောင်ရွက်လျက်ရှိသော အောက်ဖော်ပြပါ သင်တန်းများအား စိတ်ဝင်စားပါက ဆက်သွယ် တက်ရောက်နိုင်ပါ သည်။

• ထိုင်းစာသင်တန်း (အွန်လိုင်းမှတဆင့်)

• Digital Security သင်တန်း

• လူ့အခွင့်အရေးဆိုင်ရာ သင်တန်းများ

• စိတ်ခွန်အားမြှင့်တင်ရေး သင်တန်း၊

• ကျန်းမာရေးအသိပညာပေးသင်တန်း၊

• ထိုင်းအလုပ်သမားဥပဒေများ နှင့် ထိုင်းယဉ်ကျေးမှု သင်တန်း

• ကွန်ပျူတာ သင်တန်း

• အခြေခံမော်တာစက်ချုပ်သင်တန်းနှင့်

• စိုက်ပျိုးရေးသင်တန်းများ ပါဝင်ပါသည်။

ထို့အပြင် 𝗕𝗹𝗼𝘀𝘀𝗼𝗺 𝗙𝘂𝘁𝘂𝗿𝗲 (ပွင့်သစ်ဝေ) မှ

o အလုပ်အကိုင်ရရှိရေး အခွင့်အလမ်းများ၊

o ကျောင်းနေအရွယ် ကလေးများအတွက် သင့်တော်သောကျောင်းများ ရှာဖွေပေးခြင်းနှင့် ကျောင်းအပ်နှံပေးခြင်း၊

o အရေးပေါ်စားနပ်ရိက္ခာနှင့် လစဉ်အခြေခံ စားနပ်ရိက္ခာ ထောက်ပံ့ပေးခြင်း စသည့် ဝန်ဆောင်မှုများ ရရှိနိုင်ရန်အတွက်လည်း သက်ဆိုင်ရာတာဝန်ခံများနှင့် ချိတ်ဆက်ကူညီ ဆောင်ရွက်ပေးခြင်းများ အပြင် နေထိုင်သူနှင့် ၎င်း၏ မိသားစုဝင်များ၏ လိုအပ်ချက်များကို အသေးစိတ် စုံစမ်းမေးမြန်းပြီး အတတ်နိုင်ဆုံး ဖြည့်ဆည်းပေးမည်ဖြစ်ပါသည်။

𝗕𝗹𝗼𝘀𝘀𝗼𝗺 𝗙𝘂𝘁𝘂𝗿𝗲 (ပွင့်သစ်ဝေ) ၏ 𝗜𝗻𝗱𝗶𝘃𝗶𝗱𝘂𝗮𝗹 𝗛𝗼𝘂𝘀𝗶𝗻𝗴 အစီအစဉ်သည် လူ့အခွင့်အရေးနှင့် ဒီမိုကရေစီအရေးတက်ကြွလှုပ်ရှားခဲ့မှုများကြောင့်ဖြစ်စေ၊ စစ်ရေး/စစ်ဘေးအခြေအနေများကြောင့် ကိုယ်လက်အင်္ဂါဆုံးရှုံးခဲ့ရပြီး ရပ်တည်ရေးခက်ခဲနေကြသော မဲဆောက်ရောက်မြန်မာပြည်သူ/သား များအား ဦးစားပေး ထောက်ပံ့ကူညီပေးသွားမည်ဖြစ်ပါသည်။

လျှောက်ထားလိုသူများအနေဖြင့် မိမိအကြောင်းအသေးစိတ်သိရှိသော (မိသားစုဝင်ဆွေမျိုး မဟုတ်သော) ထောက်ခံပုဂ္ဂိုလ် (၂) ဦးရှိပါက BF ၏ Individual Housing အစီအစဉ် တာဝန်ခံ ဖုန်းနှင့် 𝐒𝐢𝐠𝐧𝐚𝐥 နံပါတ် +66 990 366 720 သို့ အပတ်စဉ် တနင်္လာမှ သောကြာနေ့အထိ၊ နေ့စဉ် မနက် (၉) နာရီမှ ညနေ (၅) နာရီအတွင်း ဆက်သွယ်စုံစမ်း၍ လျှောက်ထားနိုင်ပါသည်။

မှတ်ချက်။ ။ Individual Housing Program တွင် လျှောက်ထားသူများထဲမှ ရွေးချယ်ခံရသူများကိုသာ ပြန်လည်ဆက်သွယ် အကြောင်းကြားသွားမည် ဖြစ်ပါသည်။

𝗕𝗹𝗼𝘀𝘀𝗼𝗺𝗙𝘂𝘁𝘂𝗿𝗲

𝗜𝗻𝗱𝗶𝘃𝗶𝗱𝘂𝗮𝗹 𝗛𝗼𝘂𝘀𝗶𝗻𝗴 𝗣𝗿𝗼𝗴𝗿𝗮𝗺

𝗣𝗿𝗼𝗴𝗿𝗮𝗺 𝗠𝗮𝗻𝗮𝗴𝗲𝗿

+𝟲𝟲 𝟵𝟵𝟬 𝟯𝟲𝟲 𝟳𝟮𝟬