(New Myanmar Foundation) ၏ နယူးမြန်မာတယ်လီကျန်းမာရေး အစီအစဉ်ကို ဇွန်လ (၁)ရက်နေ့မှ စတင်ဖွင့်လှစ်ခဲ့ပါသည်။ ဖွင့်လှစ်ခဲ့ရသော ရည်ရွယ်ချက်မှာ ထိုင်းနိုင်ငံ၊ မဲဆောက်မြို့သို့–တိမ်းရှောင်ခိုလှုံလာကြသည့် သိန်းနှင့်ချီသော– လူ့အခွင့်အရေးနှင့် ဒီမိုကရေစီရေး တက်ကြွလှုပ်ရှားသူများ၊ စစ်ဘေးရှောင် ပြည်သူများနှင့် ရွှေ့ပြောင်းလုပ်သားများ၏ ကျန်းမာရေးကို ကာကွယ်စောင့်ရှောက်ပေးရန် ဖြစ်ပါသည်။ ၎င်းတို့အနေဖြင့် ကျန်းမာရေးချို့တဲ့မှုများ၊ အရေးပေါ်အခြေအနေများနှင့် ကြုံတွေ့လာသည့်အခါတွင် လိုအပ်သည့် ကျန်းမာရေးစောင့်ရှောက်မှုများ ရရှိနိင်ရန်အတွက် အခက်အခဲ၊ အဟန့်အတားများစွာ ကြုံတွေ့ရပါသည်။ ဘာသာစကားအခက်အခဲ၊ သွားလာရေးအခက်အခဲ၊ ငွေကြေးချို့တဲ့မှု၊ သတင်းအချက်အလက်ချို့တဲ့မှုနှင့် အဖမ်းအဆီးခံရနိုင်သည့် အခြေအနေများအပါအဝင် များစွာသော အတားအဆီးများ ရှိနေပါသည်။

၎င်း အခက်အခဲများကို ကူညီဖြေရှင်းပေးနိုင်ရန်အတွက် (တယ်လီဖုန်းဖြင့် Telegram Application သုံးကာ) ပြည်တွင်း၊ ပြည်ပမှ အ ထူးကု (၁၀) ဦးပါသော ဆရာဝန် (၂၃) ဦးအဖွဲ့မှ မေတ္တာဖြင့် ကူညီပေးနေပြီး မနက် (၆)နာရီမှ ည (၁၂) နာရီအထိ ပိတ်ရက်မရှိ ဖွင့်လှစ်ပေးထားပါသည်။ ကျန်းမာရေးအခက်အခဲရှိသော လူနာများအနေဖြင့် အချိန်မရွေး အခမဲ့ပြသနိုင်ပြီး လိုအပ်ပါက သွေးစစ်ခြင်း၊ ဓါတ်မှန်ရိုက်ခြင်း၊ Ultrasound ရိုက်ခြင်းများကိုလည်း အဆင်ပြေပြေ ဆောင်ရွက်နိုင်ရန် ဆက်စပ်ပေးနေပါသည်။

March လအတွင်း ကူညီပေးခဲ့သူပေါင်း (77) ဦးရှိခဲ့ရာ ၎င်းတို့ထဲတွင် အမျိုးသား (၃၂)ဦး၊ အမျိုးသမီး (၄၇) ဦး ပါဝင်ပါသည်။ ဖုန်းဖြင့် ကုသဆွေးနွေးပေးလိုက်သူ (၃၇)ဦး၊ မယ်တော်ဆေးခန်းသို့ လက်လွှဲပေးလိုက်သူ (၁၇)ဦးနှင့် အိမ်တိုင်ယာရောက် (၂၅) ဦးတို့အားသွား ရောက်ကုသပေးခဲ့ပါသည်။

မဲဆောက်ရောက် ဒီမိုကရေစီ အင်အားစုများအနေဖြင့် အခကြေးငွေကုန်ကျခြင်းမရှိဘဲ မြန်မာဆရာဝန်များနှင့် တိုင်ပင်ဆွေးနွေးလိုပါက မနက် (၆)နာရီမှ ည (၁၂)နာရီအတွင်း ပိတ်ရက်မရှိ ဖုန်းနံပါတ် (+66910614070) သို့ ဖုန်းဆက်၍ ဖြစ်စေ Telegram မှတစ်ဆင့်ဖြစ်စေ မိမိထံဆက်သွယ်နိုင်ပါသည်။

Dr Moon

Program Manager,Tele Health Program

Phone no: +66910614070

Telegram: +66910614070

Email: telehealth9922@gmail.com