New Myanmar Foundation ၏ အခြေခံစားနပ်ရိက္ခာမျှဝေခြင်းအစီအစဉ်ကို ၂၀၂၂ ခုနှစ် ၊ ဖေဖော်ဝါရီလမှ စတင်၍ မဲဆောက်ရောက် ဒီမိုကရေစီအရေး ကြိုးပမ်းသူများအတွက် ဆောင်ရွက်ပေးလျက်ရှိရာ ယခုအခါ လူဦးရေ (၅၉၃၃) ဦးအား တစ်ဦးလျှင် (၃)လစာ နှုန်းဖြင့် အခြေခံစားနပ်ရိက္ခာဝေမျှပေးခဲ့ပြီး နောက်ဆုံးမျှဝေခဲ့သည့် ၂၀၂၃ ခုနှစ် ၊ ဖေဖော်ဝါရီလ မှ ဇူလိုင်လ အထိ (၁၄၀၇) ဦးအား ငွေသားအဖြစ် ပြောင်းလဲ၍ (၁)လစာ ဘတ် (၅၀၀)/(၂၅၀)တို့ဖြင့် မျှဝေပေးခဲ့ရာ စုစုပေါင်း (၇၃၄၀) ဦးအား မျှဝေပေးခဲ့ပြီး ဖြစ်ပါသည်။
ယခု ဩဂုတ်လ (၁၀) ရက်နေ့တွင် ရိက္ခာအစား ငွေသား (ဘတ် ၂၅၀) မျှဝေမည့် အစီအစဉ်အား ပြုလုပ်သွားမည်ဖြစ်ပြီး စိစစ် ရွေးချယ်ခံရသူများတစ်ဦးချင်း ထံ ယနေ့ အကြောင်းကြား ဆက်သွယ်ပေးသွားမည် ဖြစ်ပါသည်။ အလှူရှင်များ၏ အခက်အခဲ များကြောင့် မဲဆောက်ရောက် ဒီမိုကရေစီအင်အားစုများအား အပြည့်အဝ မကူညီနိုင်သည့် အပေါ် များစွာ စိတ်မကောင်းလည်း ဖြစ်ရပါသည်။
ရိက္ခာအတွက် အခက်အခဲဖြစ်ပါက အောက်တွင်ဖော်ပြထားသည့် Phone ၊ Signal ၊ Email တို့မှ ရုံးချိန် နံနက် ၉း၀၀နာရီမှ ညနေ ၅း၀၀နာရီ ၊ တနင်္လာ မှ သောကြာ အတွင်း ဆက်သွယ် မေးမြန်းနိုင်ပါသည်။
ရုံးပိတ်ရက်သည် ထိုင်းအစိုးရရုံးပိတ်ရက် ဖြစ်သည့်အတွက် ဖုန်းမကိုင်နိုင်ပါက Signalတွင် စာပို့မေးမြန်းထားနိုင်ပါသည်။
ဆက်သွယ်မေးမြန်းရန် Hay Mar Basic Food Program Manager Phone & Signal +66 659252173 foodprogram.nmf@gmail.com
