New Myanmar Foundation မှ လူ့အခွင့်အရေးအခြေခံနှင့် ဒီဂျစ်တယ်ဘေးကင်းလုံခြုံရေး သင်တန်းကို လစဉ် စီစဉ်ကျင်းပလျက်ရှိရာ လျှောက်ထားသူများပြား၍ သင်တန်းတစ်ကြိမ်လျှင် (၂၅)ဦးခန့်သာ လက်ခံနိုင်ခြင်းကြောင်းနှင့် လျှောက်ထားလာသူများထဲမှ သတ်မှတ်ချက်များနှင့်ကိုက်ညီသူများအား ကျန်ရှိသော အပတ်စဉ်များအတွက် ဆက်သွယ်သွားမည် ဖြစ်ပါသည်။
သင်တန်းတက်ရောက်ရန် ရွေးချယ်ခံရသူများကိုသာ Email, Signal တို့ဖြင့် ဆက်သွယ်သွားမည် ဖြစ်ပါသည်။
Zoom အသုံးပြု သင်ကြားမည့် Online သင်တန်းဖြစ်ပြီး၊ နိုဝင်ဘာလ မှ ဒီဇင်ဘာလအတွင်း ပြုလုပ်မည့်သင်တန်းများ၏ လျာထားသတ်မှတ်ရက်များကို ပူးတွဲပါပုံတွင် အသေးစိတ်ကြည့်ရှုနိုင်ပါသည်။
ယင်းသင်တန်းတစ်ကြိမ်စီတွင်
● လူ့အခွင့်အရေး အခြေခံအယူအဆသဘောတရား
● လူ့အခွင့်အရေး တိုးတက်ဖြစ်ပေါ်လာပုံသမိုင်းကြောင်း
● အပြည်ပြည်ဆိုင်ရာ လူ့အခွင့်အရေးကြေညာစာတမ်း
● လူ့အခွင့်အရေးအမျိုးအစားများ၊ အုပ်စုလိုက် အခွင့်အရေးများ
● အစိုးရ၏တာဝန်ဝတ္တရားများ၊ လူ့အခွင့်အရေးလုပ်ငန်းစဉ်များ
● Digital Security & Privacy
အကြောင်းအရာများကို ဆွေးနွေးပို့ချသွားမည်ဖြစ်သည်။
သင်တန်းကို တစ်နေကုန်တက်ရောက်ရမည့် ရက်တိုသင်တန်းနှင့် ညနေပိုင်း ရက်ရှည်သင်တန်း ဟူ၍ ပုံစံ (၂)မျိုး စီစဉ်ထားပြီး မိမိနှင့်ကိုက်ညီမည့် သင်တန်းပုံစံကို လျှောက်လွှာဖောင်တွင် ရွေးချယ်ဖြည့်စွက် နိုင်ပါသည်။ လျှောက်ထားသူ အလွန်များပြားသည့်အတွက် သင်တန်းအပတ်စဉ်ကိုမူ လျှောက်ထားသူမှ ရွေးချယ်နိုင်မည်မဟုတ်ဘဲ အလှည့်ကျတက်ရောက်နိုင်မည့် အပတ်စဉ်ကို ဆက်သွယ်အကြောင်းကြား သွားမည်ဖြစ်ပါသည်။
သင်တန်းတက်ရောက်ရန် အခြေခံလိုအပ်ချက်များ
● Online သင်တန်းဖြစ်သဖြင့် Mobile Phone/ Computer နှင့် အင်တာနက်ကို ကောင်းစွာအသုံးပြုနိုင်သူ၊
● Zoom Account နှင့် Signal Account များရှိပြီး အသုံးပြုနိုင်သူ၊
● လူ့အခွင့်အရေးနှင့်ပတ်သက်သည်များကို သိလိုစိတ်ပြင်းပြသူ(လေ့လာလိုသူ)၊
● အခြေခံပညာအလယ်တန်းအဆင့်ထိသင်ယူခဲ့ဖူးသူ၊
● အသက်(၁၈)နှစ်ပြည့်ပြီးသူ၊
● သင်တန်း၌ တက်ကြွစွာပူးပေါင်းပါဝင်နိုင်သူ၊
● သင်တန်းကာလတလျှောက် ပြီးဆုံးသည်အထိတက်ရောက်နိုင်သူ၊
● လူ့အခွင့်အရေးလုပ်ငန်းစဉ်များတွင် ပူးပေါင်းလုပ်ကိုင်လိုသူ၊
● လူမှုအဖွဲ့အစည်းအတွက် အကျိုးပြုလိုသူ။
**အမျိုးသမီးများ၊ LGBTQ များ၊ မသန်စွမ်းများ အားလုံးပါ၀င်တက်ရောက်ရန် အထူးတိုက်တွန်းပါသည်။ သင်တန်းသားရွေးချယ်ရာတွင် အမျိုးသမီးများပါဝင်မှု အနည်းဆုံး ၃၀% နှင့်အထက်ရှိစေရန် သတ်မှတ် ရွေးချယ်ပါသည်။
**သင်တန်းတက်ရောက်ရန်အခြေခံလိုအပ်ချက်များနှင့်ကိုက်ညီသူများသာ လျှောက်ထားရန်ဖြစ်ပါသည်။
**ရွေးချယ်ခံရသူများကို Email/Signal Message ဖြင့် ဆက်သွယ်မည်ဖြစ်၍ Email/Signal Message ပုံမှန်စစ်ဆေးရန် လိုအပ်ပါသည်။ သင်တန်းမစတင်မီ တစ်ပတ်ခန့်အလိုအထိ ဆက်သွယ်မရပါက ရွေးချယ်မှုပျက်ပြယ်၍ အခြားသင့်တော်သူကို ထပ်မံရွေးချယ်သွားမည်ဖြစ်ပါသည်။
သင်တန်းလျှောက်ထားရန် Google Form Link
သင်တန်းနှင့်ပတ်သက်၍ အသေးစိတ်သိရှိလိုသည်များရှိပါက အောက်ပါ သင်တန်းနည်းပြ၏ ဖုန်းနှင့် အီးမေးလ်များသို့ ဆက်သွယ် စုံစမ်းမေးမြန်းနိုင်ပါသည်။
Phone: +66 811 813 722
Email: Human Rights Trainer: humanrightsone.nmf@gmail.com, Digital Security Trainer: nmf.itofficer@gmail.com
