မေလ (၁၂) ရက်၊ ၂၀၂၅ ခုနှစ်တွင် ဖြစ်ပွားခဲ့သော စစ်ကိုင်းတိုင်း၊ ဒီပဲယင်းမြို့နယ်၊ အိုးထိမ်းကွင်းရွာ စာသင်ကျောင်း ဗုံးကြဲတိုက်ခိုက်ခံရမှုကြောင့် သေဆုံးခဲ့ရသည့် ကျောင်းသူ/သားနှင့် ဆရာမများအတွက် ဝမ်းနည်းခြင်း အထိမ်းအမှတ် စကားဝိုင်းအား New Myanmar Foundation မှ ဦးစီး၍ ထိုင်း-မြန်မာ နယ်စပ်တနေရာတွင် ကျင်းပပြုလုပ်ခဲ့ပါသည်။
အခမ်းအနားတွင် ဦးစွာပထမ နွေဦးတော်လှန်ရေးတွင် ကျဆုံးခဲ့သော ရဟန်းရှင်လူ ပြည်သူများအတွက် ဝမ်းနည်းခြင်းအထိမ်းအမှတ်အဖြစ် ( ၁ )မိနစ် ငြိမ်သက်ခြင်း ပြုလုပ်ခဲ့ပါသည်။ ထို့နောက် New Myanmar Foundation ၏ Executive Director ဒေါက်တာစန်းအောင်မှ အဖွင့် အမှာစကား ပြောကြားခဲ့ပြီး တက်ရောက်လာသော ဆရာ/ဆရာမ အသီးသီးမှ ရင်ထဲခံစားချက်များ၊ ကဗျာရွတ်ဆိုမှုများ နှင့် အကြမ်းဖက်စစ်ကောင်စီ၏ မတရားသဖြင့် သတ်ဖြတ်နေသည့် လုပ်ရပ်များအား ရှုံ့ချပြောဆိုမှုများ ပြုလုပ်ခဲ့ပြီး မြန်မာပြည်သူလူထုများ အမှန်တကယ်လိုလား တောင့်တနေသည့် ဒီမိုကရေစီအမြန်ရရှိရန် ဆက်လက်ကြိုးစားဆောင်ရွက်ပံ့ပိုးပေးကြရန် နှိုးဆော်ခဲ့ပြီး အခမ်းအနားအား ရုတ်သိမ်းခဲ့ပါသည်။
